استغاثہ کے مطابق ضلع اننت کے کہری بل علاقہ کے رہنے والے اشفاق احمد خان نے چھہ جولائی 2017 کی شب پڑوس میں رہنے والی ایک کمسن بچی کے ساتھ ریپ کیا۔
اس معاملے کی سماعت ایڈیشنل ڈسٹرکٹ اینڈ سیشن جج اننت ناگ خلیل احمد چودھری نے بدھ کے روز کی ۔
عدالت نے ملزم اشفاق احمد خان کو مجرم قرار دیتے ہوئے دس برس قید اور پچاس ہزار روپیے جرمانے کی سزا سنائی۔
فیصلہ کے مطابق اگر مجرم جرمانہ کی رقم ادا کرنے میں ناکام رہا تو سزا میں مزید چھہ ماہ کی توسیع کر دی جائے گی۔
واضح رہے کہ 2017 میں پیش آنے والے اس واقعہ کے آئندہ روز متاثرہ کے والد نے نزدیکی پولیس اسٹیشن میں شکایت درج کرائی تھی جس کے بعد پولیس نے ایف آئی آر درج کرکے ملزم کو گرفتار کیا تھا۔