کئی اسکولوں میں بچے پر خطر ماحول میں تعلیم حاصل کرنے پر مجبور ہیں۔ حیرت کی بات یہ ہے کہ درپیش مسائل سے باخبر ہونے کے با وجود بھی متعلقہ محکمہ خاموش ہے۔
اسکولی بچوں پر منڈلاتا موت کا خطرہ
ضلع پلوامہ کے وٹھ مولہ گاوں میں قائم سرکاری مڈل اسکول کے اوپر سے بجلی کی ہائی ٹنشن اور لو ٹنشن والی تاریں گذرتی ہیں جن کے سبب یہاں زیر تعلیم سینکڑوں بچوں کے سر پر ہر لمحہ موت کا سایہ منڈلاتا رہتا ہے۔
کم اونچائی والی یہ یہ تاریں اسکول اور اس کے احاطہ کے آر پار جڑی ہیں۔
بچے احاطہ میں کھیلنے اور مارننگ پریر کے دوران سہمے اور ڈرے رہتے ہیں کیوںکہ شارٹ سرکٹ کی صورت میں یہ تاریں زمین پر گر سکتی ہیں اور ان معصوموں کے ساتھ کوئی بڑا حادثہ پیش آسکتا ہے۔اس خدشے کی وجہ سے یہاں کے اساتذہ اور بچے سخت پریشان ہیں۔