دو روز قبل حد بندی کمیشن Delimitation Commission کی جانب سے ڈرافٹ رپورٹ منظر عام پر آنے کے بعد جہاں مختلف پارٹیوں نے اپنا ردعمل ظاہر کرتے ہوئے اس رپورٹ کی مخالفت کی ہے، وہی میونسپل کمیٹی کوکرناگ Municipal Committee Kokranag کے صدر پرنس شیخ نے ای ٹی وی بھارت سے کہا کہ ہم حد بندی کے ڈرافٹ رپورٹ سے مطمئن نہیں ہیں، کیونکہ حد بندی کمیشن نے کوکرناگ کا تشخص بگاڑ دیا ہے۔
Different Reactions on Delimitation Report انہوں نے کہا کہ کوکرناگ کو ایس ٹی کے زمرے میں لایا گیا، ہم اس کے خلاف نہیں ہیں، البتہ اس ڈرافٹ رپورٹ میں کہیں نہ کہیں کوکرناگ کا وجود ہی مٹنے جا رہا ہے۔
میونسپل صدر پرنس شیخ نے کہا کہ پورے ملک میں کوکرناگ 43 کی اپنی ایک الگ پہچان تھی، تاہم حد بندی کمیشن کے ڈرافٹ رپورٹ سامنے آنے کے بعد کوکرناگ کا حلیہ ہی بگاڑ دیا ہے۔ انہوں نے کہا کہ جس طرح سے کوکرناگ کے کئی علاقوں کو حلقہ انتخاب ڈورو سے جوڑا گیا ہمیں کمیشن کی یہ رپورٹ منظور نہیں ہے۔
انہوں نے کہا کہ اگر حد بندی کمیشن کوکرناگ کے وائلو علاقے سے الگ ایک ایس ٹی حلقے کے زمرے میں لایا جاتا اور وائلو سے نچھلے علاقے کو اپنی جگہ پر مرکوز رکھتے تو مجھے لگتا ہے کہ اس میں کوئی بھی شخص ناراضگی کا اظہار نہیں کرتا، لیکن جس طرح سے کمیشن نے رپورٹ منظر عام پر لایا ہے ہم اس کے خلاف ہیں۔انہوں نے کوکرناگ کے سابقہ سیاسی جماعتوں سے مطالبہ کیا ہے کہ وہ اس بارے میں اپنا رد عمل ظاہر کریں، تاکہ کوکرناگ کا تشخص برقرار رہ سکے۔
مزید پڑھیں:
وہیں حد بندی کمیشن کے ڈرافٹ رپورٹ Delimitation Commission Draft Report کو جہاں مختلف علاقوں کے سماجی و سیاسی کارکنوں نے مسترد کردیا ہے، وہی کوکرناگ کے لارنو علاقے سے تعلق رکھنے والے سیاسی کارکن چوہدری ہارون کھٹانہ نے کمیشن کے ڈرافٹ رپورٹ کی تعریف کرتے ہوئے لارنو کے لوگوں کو مبارکباد پیش کی ہے۔
Different Reactions on Delimitation Report اس حوالے سے چوہدری ہارون کے رہائش گاہ پر آج ایک مختصر تقریب منعقد ہوئی، جس میں لارنو سے تعلق رکھنے والے کئی لوگوں نے شرکت کی، اس موقع پر چوہدری ہارون نے لوگوں سے اپیل کی ہے وہ آپس میں اتحاد رکھیں Be United، اور ہمارے ہاتھ مضبوط کریں تاکہ آنے والے وقت میں انہیں لوگوں کی خدمت کرنے کا موقع ملے۔
ای ٹی وی بھارت سے چوہدری ہارون نے کہا کہ حد بندی کمیشن کی جانب سے جو ڈرافٹ رپورٹ Delimitation Commission Draft Report منظر عام پر آیا ہے، ہم اُس کا خیر مقدم کرتے ہیں۔ انہوں نے کہا کہ لارنو کی عوام اس فیصلے سے مطمئن ہیں اور اپنی خوشی کا اظہار کرنے کے لیے گزشتہ تین روز سے ان کی رہائش گاہ پر جمع ہو رہے ہیں۔
چوہدری ہارون کا کہنا ہے کہ آج تک ایس ٹی کمیونٹی ST Community کو ہر ایک سیاستدان نے نظر انداز کر دیا تھا، انہوں نے کہاکہ آج تک ان کے معاملے کو نظر انداز کیا جارہا تھا، اس لیے یہاں کے لوگ حد بندی کمیشن کے ڈرافٹ رپورٹ سے بے حد مطمئن ہیں۔
