جنوبی ضلع اننت ناگ کے لکٹی پورہ عارون کے لوگوں نے سڑک کی خستہ حالی کے تعلق سے احتجاج کیا۔ احتجاجیوں کا کہنا تھا کہ محکمہ نے تویل عرصے کے بعد علاقہ میں قائم سڑک پر میگڈیمائزیشن کا کام شروع کیا تھا، لیکن میگڈم صرف سڑک کے کچھ حصہ پر ڈالا گیا۔ بیشتر سڑک کو ایسے ہی چھوڑا گیا۔
لکٹی پورہ کو جان بوجھ کر نظرانداز کیا جا رہا ہے
انہوں نے کہا کہ لکٹی پورہ میں قائم رابطہ سڑک کی حالت انتہائی خستہ ہو چکی ہے۔ سڑک پر جگہ جگہ گہرے گڈھے بنے ہوئے ہیں، جس کے سبب نہ صرف راہگیروں بلکہ ٹرانسپورٹرز کو بھی دقتوں کا سامنا کرنا پڑ رہا ہے۔
لکٹی پورہ کے باشندوں نے احتجاج کرتے ہوئے سڑک کی فوری طور پر مرمت کرنے کا مطالبہ کیا ہے۔ احتجاج کر رہے لوگوں نے محکمہ تعمیرات عامہ شوپیاں پر الزام عائد کرتے ہوئے کہا کہ متعد بار انتظامیہ سمیت متعلقہ محکمہ کی توجہ اس جانب مبذول کروائی گئی لیکن آج تک رابطہ سڑک کی مرمت نہیں کی گئی۔