یوم شہادت حضرت عمرؓ کے موقع پر کعبہ مرگ میں تقریب کا انعقاد

شہادت عمرؓ کے موقع پر درگاہ کعبہ مرگ میں ایک تقریب منعقد ہوئی جہاں بعد نماز جمعہ موئے مبارک کی زیارت بھی کرائی گئی۔

جموں و کشمیر میں یوم شہادت خلیفہ دوم سیدنا حضرت فاروق اعظمؓ، عقیدت و احترام کے ساتھ منایا گیا۔ اس موقع پر کعبہ مرگ میں ایک تقریب منعقد ہوئی جہاں ہزاروں مسلمانوں نے موئے مبارک کے دیدار سے فیضیاب ہوئے۔

یوم شہادت حضرت عمرؓ کے موقع پر دین اسلام کے اس عظیم المرتبت اور بلند نسبت فرزند کو انکی جلیل القدر اور بے مثال دینی و اسلامی خدمات، اسلامی فتوحات اور تحریک اسلامی کےلیے بے پناہ قربانیوں اور انتھک جد و جہد کو خراج عقیدت پیش کیا گیا۔

اس موقع پر درود و اذکار کی مجلس بھی منعقد ہوئی۔ تقریب میں علمائے کرام نے خطاب کرتے ہوئے حضرت عمرؓ کی سیرت، تاریخ ساز اسلامی فتوحات و عظیم کارناموں پر روشنی ڈالی۔ انہوں نے کہا کہ حضرت عمرؓ کے دور میں اسلام کو کافی وسعت نصیب ہوئی۔