اننت ناگ: آگنو ڈورو شاہ آباد میں پانی کی عدم دستیابی سے عوام کو مشکلات

جنوبی کشمیر کے ضلع اننت ناگ میں گزشتہ 5 برس سے واٹر سپلائی اسکیم کا آغاز نہیں کیا گیا، جس سے مقامی لوگوں کو کافی مشکلات پیش آرہی ہیں۔

جموں و کشمیر میں اننت ناگ ضلع کے آگنو ڈورو شاہ آباد میں ابھی تک واٹر سپلائی اسکیم پر عمل نہیں کیا جارہا ہے۔ گزشتہ 5 سال قبل یہاں واٹر سپلائی اسکیم سے متعلق کاموں کا آغاز کیا گیا تھا لیکن آج بھی تعمیر کو مکمل نہیں کیا گیا۔

علاقہ میں واٹر سپلائی نہ ہونے کی وجہ سے عوام کو شدید مشکلات پیش آرہی ہیں۔ یہاں پینے کے لیے صاف پانی کی سربراہی نہ ہونے کی وجہ سے لوگوں کو پریشانی ہورہی ہے۔ مقامی لوگوں نے فوری طور پر واٹر سپلائی اسکیم شروع کرنے کا مطالبہ کیا۔

مقامی لوگوں نے بتایا کہ گزشتہ پانچ سے پانی کی سربراہی کا انتظار کیا جارہا ہے جبکہ اس وقت واٹر سپلائی اسکیم کا افتتاح کیا گیا تھا تاہم ابھی تک اسکیم پر عمل نہیں کیا گیا۔