گورنر ملک نے جمعرات کو ضلع اننت ناگ کے پہلگام میں واقع نن ون یاترا بیس کیمپ میں انتظامات کا جائزہ لیا۔
گورنر نے ضلع افسران کے ساتھ ایک میٹنگ طلب کی جس میں انہوں نے یاترا سے متعلق انتظامات کا از سر نو جائزہ لیا۔
میٹنگ کے بعد ذرائع ابلاغ کے نمائندوں کے ساتھ بات کرتے ہوئے گورنر کا کہنا تھا کہ یاترا صرف سیکورٹی اہلکاروں اور انتظامیہ سے نہیں بلکہ مقامی عوام کی مدد سے کامیاب ہوتی ہے۔
انہوں نے یاترا کے دوران مقامی ہندو اور مسلمانوں کے تعاون کی سراہنا کرتے ہوئے کہا کہ اس وقت حج اور یاترا دونوں ایک ساتھ پُر امن طریقے سے انجام پذیر ہو رہے ہیں ’’ایک جانب حاجی حج پر روانہ ہو رہے ہیں تو دوسری جانب یاتری امرناتھ گپھا میں درشن کے لیے جا رہے ہیں۔‘‘