آتشزدگی میں لاکھوں روپئے مالیت کا سامان جل کر خاک

اننت ناگ میں آتشزدگی کی دو مختلف واقعات میں چار رہائشی مکان اور نو دکانیں خاکستر ہو گئیں، جس کے سبب لاکھوں روپئے مالیت کا سازوسامان راکھ کے ڈھیر میں تبدیل ہوگیا ہے۔

بدھ و جمعرات کی درمیانی شب کو شیخ محلہ ڈورو شاہ آباد میں اچانک آگ لگ گئی۔آگ نے کئی رہائشی مکانوں کو اپنے قبضےمیں لے لیا۔آگ کی اس واردات میں 4 رہائشی مکانات جل کر خاکستر ہو گئے۔متاثرین نے محکمہ فائر سروس پر دیر سے پہنچنے کا الزام عائد کیا ہے۔

ادھر تھمن ویری ناگ میں بھی آگ کی واردات میں 9 دکانیں خاکستر ہوئی ہیں۔ کئی سماجی و سیاسی شخصیات نے گورنر انتظامیہ سے امداد فراہم کرنے کی اپیل کی ہے ۔