منگل کو شام تقریباً 9 بجے کے بعد کھیلن علاقے کے پہاڑ پر بادل پھٹنے سے گاؤں میں سیلابی صورتحال پیدا ہوگئی ہے۔ بادل پھٹنے سے ویرسرن کھیلن میں سیلابی پانی سے مکئی کی فصلوں کو نقصان پہنچا ہے، وہیں ویرسرن سے کھیلن کی جانب جانے والا راستہ اور پل پوری طرح سے بہہ گیا۔
کھیلن پہلگام میں بادل پھٹنے سے فصلوں کو نقصان مقامی لوگوں نے ای ٹی وی بھارت سے بات کرتے کہا ہے کہ سیلابی پانی نے گاؤں کے مختلف مقامات پر عارضی پلوں کو بھی نقصان پہنچایا۔ ایک شہری جمعہ ڈوئی نے بتایا کہ ایک نالے پر پل نہ ہونے سے انہیں زبردست دقتوں کا سامنا کرنا پڑرہا ہے اور نالے میں سیلاب آنے کے بعد پوری آبادی محصور ہوکر رہ گئی ہے۔
مزید پڑھیں:ترال: نالہ نارستان میں بادل پھٹنے سے سیلابی صورتِ حال
ان کے مطابق متعدد بار انتظامیہ کو اس بارے میں گزارشات کی گئیں تاہم انتظامیہ نے اس بارے میں کوئی خاطر خواہ انتظام نہیں کیا۔ مقامی لوگوں نے ضلع انتظامیہ اور ایل جی انتظامیہ سے اس معاملے میں مداخلت اور امداد کرنے کی اپیل کی ہے۔
