طلبا کی صلاحیتوں کے فروغ کے لیے پروگرام

ریاست جموں و کشمیر میں ڈسٹرکٹ اونتی پورہ پولیس کے ذریعے 'چھونا ہے آسمان' پروگرام کا اہتمام کیا گیا۔

اس پروگرام میں پلوامہ کے مختلف علاقوں کے اسکولی بچوں و فنکاروں نے شرکت کی اور الگ الگ طرح کے پروگرام پیش کیے۔

اس پروگرام کو تین کیٹگری میں تقسیم کیا گیا اور ہر کیٹگری میں بہترین کارکردگی پیش کرنے والے بچوں کو انعام سے نوازا گیا۔

اس موقع پر طلبا، پولیس افسروں، معزز شخصیات کے ساتھ ساتھ دیگر افراد نے بھی شرکت کی۔

ایس ایس پی اونتی پورہ محمد سلیم طاہر اور اے ڈی سی ترال شبیر احمد رینہ نے بطور مہمان خصوصی شرکت کی۔

ایس ایس پی اونتی پورہ طاہر سلیم نے کہا کہ 'اس طرح کے پروگرام منعقد کرنے کا مقصد نوجوانوں کو ایک پلیٹ فارم کرانا ہے تاکہ ان کی صلاحیتوں کو نکھارا جا سکے۔'

انہوں نے کہا کہ 'اس پروگرام سے نوجوانوں اور پولیس کے درمیان رشتے مضبوط ہو سکتے ہیں۔'