کوکرناگ کے دنویٹھ پورہ میں سرچ آپریشن شروع

جنوبی کشمیر کے ضلع اننت ناگ کے دنویٹھ پورہ علاقے میں فوج نے بڑے پیمانے پر سرچ آپریشن شروع کردیا ہے۔

تفصیلات کے مطابق حلقہ انتخاب کوکرناگ کے دنویٹھ پورہ علاقے میں فوج کو عسکریت پسندوں کے چھپے ہونے کی ایک اطلاع موصول ہوئی ہے، جس کے بعد فوج کی 19 آر آر نے مذکورہ علاقے کو محاصرے میں لیا۔ فوج علاقے میں گھر گھر تلاشی کررہی ہے۔

فوج کو ذرائع سے معلوم ہوا ہے کہ مذکورہ علاقے میں عسکریت پسند چھپے ہوئے ہیں، جس کے بعد فوج نے پورے علاقے کو محاصرے میں لیا اور تلاشی کارروائی عمل میں لائی۔

آخری اطلاع ملنے تک تلاشی کارروائی جاری ہے۔ وہیں علاقے کے خارجی اور داخلی راستوں کو سیل کردیا گیا ہے۔