اننت ناگ میں کرئیر کونسلنگ سیشن کا انعقاد

جنوبی کشمیر کے ضلع اننت ناگ کے دیالگام میں قائم فوج کی 19 راشٹریہ رائیفلز کی جانب سے مقامی بے روز گار نوجوانوں کے لیے کرئیر کونسلنگ سیشن کا انعقاد کیا گیا۔ یہ پروگرام کمپنی کمانڈر میجر راہل جینگر کی سربراہی میں منعقد کیا گیا۔

پروگرام میں محکمہ بشوپالن اینمل ہسبندری (ویٹرنری) سے وابستہ ماہر ڈاکٹرس ڈاکٹر برہان اور ڈاکٹر بلال نے مختلف علاقوں سے آئے تقریبا 35 طلبہ کی کونسلنگ کی ہیں۔
کونسلنگ کے دوران مزکورہ طلبہ کو ویٹرنری سائنس کے فوائد کے بارے میں جانکاری دی گئی ۔

اس کے علاوہ نوجوان طلبہ کو سماجی برائیوں اور منشیات کی لت سے دور رہ کر پڑھائی اور مختلف ہنر کے ذریعہ اپنے مستقبل کو تابناک بنانے پر زور دیا گیا ہیں۔
پروگرام میں ضلع اننت ناگ کے پسماندہ علاقوں جیسے برینٹی دیالگام، چکپٹ ،جائےبل دمحال ،شچن و دیگر مختلف علاقوں کے طلبہ نے شرکت کی۔

فوج کی جانب سے اس کونسلنگ سیشن میں اکثر طلبہ یتیم اور غریب خاندانوں سے تعلق رکھتے ہیں۔

وہیں کونسلنگ میں طلبہ نے فوج کے اس عمل کو کافی سراہا اور آئندہ یہ پروگروم پھر سے منقعد کرنے کی اپیل کی ہے۔