اننت ناگ: حالیہ ہلاکتوں کے خلاف بی جے پی کا احتجاجی مظاہرہ

بھارتیہ جنتا پارٹی کے کارکنوں نے آج یوٹی کے پارٹی نائب صدر صوفی محمد یوسف کی قیادت میں کشمیر میں جاری ہلاکتوں کے خلاف اننت ناگ کے کھنہ بل میں مظاہرہ کیا۔

احتجاجیوں نے کھنہ بل ہاوسنگ کالونی سے کھنہ بل پہلگام چوک تک احتجاجی ریلی نکالی اور ہلاکتوں میں ملوث عسکریت پسندوں کو کیفر کردار تک پہنچانے کا مطالبہ کیا ۔

اس احتجاجی ریلی میں بھارتیہ جنتا پارٹی کے کارکنوں کے علاوہ رفیق وانی، شیلہ ہونڈو و دیگر لیڈران بھی موجود رہے۔

صوفی یوسف نے کہا کہ کشمیر میں رہائش پذیر اقلیتی طبقات کے لوگوں کو گھبرانے کی ضرورت نہیں ہے کیونکہ یہاں کے ہر مسلمان پر ان کی حفاظت کرنا لازمی ہے۔

صوفی یوسف نے کہا کہ سرکار کو سکیورٹی کا دائرہ وسیع کرنے کے لیے ٹھوس پالیسی مرتب کرنی چاہئے۔