اننت ناگ: بجلی لائن گرنے سے لوڈ کیریئرگاڑی جل کر راکھ

مقامی لوگوں کے مطابق فائر سروس کو عین وقت پر اطلاع دی گئی، لیکن فائر سروس تاخیر سے پہنچی، جس کے نتیجے میں پوری گاڑی جل کر راکھ ہو گئی۔

جموں و کشمیر کے ضلع اننت ناگ میں شانگس حلقہ اسمبلی کے ڈیٹھو علاقے میں گھاس سے لدے لوڈ کیرئر گاڑی پر بجلی کی ترسیلی لائن گرنے کے سبب آگ لگ گئی۔

آگ اس قدر تیز تھی کہ تھوڑی ہی دیر میں پوری گاڑی راکھ کے ملبے میں تبدیل ہو گئی۔

آگ پر قابو پانے کیلئے لوگ جمع ہوئے، لیکن آگ پر قابو نہیں پایا جا سکا۔ مقامی لوگوں کے مطابق فائر سروس کو عین وقت پر اطلاع دی گئی، لیکن فائر سروس تاخیر سے پہنچی، جس کے نتیجے میں پوری گاڑی جل کر راکھ ہو گئی۔

موقع پر موجود مشتعل ہجوم نےفائر سروس گاڑی پر پتھراؤ کر دیا، جس سے فائر اینڈ ایمرجنسی سروسز کی گاڑی کو کافی نقصان پہنچا ہے۔ اس سلسلے میں پولیس نے کیس درج کر کے کاروائی شروع کر دی ہے۔