محکمہ خوراک کے سابق ملازم کے خلاف ایف آئی آر درج

اے سی بی نے محکمہ خوراک کے سابق اسسٹنٹ اسٹور کیپر کے خلاف غیر منقولہ اثاثوں کے معاملے میں ایف آئی آر درج کرائی ہے۔

اینٹی کرپشن بیورو نے ضلع اننت ناگ کے رہنے والے محکمہ خوراک کے سابق اسسٹنٹ اسٹور کیپر محمد الطاف دلال کو غیر منقولہ اثاثوں کی جمع آمدنی کے سلسلے میں ایف آئی آر درج کیا ہے۔

ذرائع کے مطابق اے سی بی کو تفتیش کے دوران پتہ چلا کہ محمد الطاف دلال اپنی ملازمت کے دوران غیر منقولہ اثاثے بڑھاتے رہا۔

اے سی بی کو تفتیش کے دوران پتہ چلا ہے کہ اس شخص کے پاس دیوا کالونی جنگلات منڈی اننت ناگ میں سات کنال سے زائد اراضی پر مشتمل ایک کنکریٹ مکان، مومن آباد میں دو کنال پر محیط ایک پختہ ڈھانچہ موجود ہے۔ جو گودام کے طور پر استعمال کیا جارہا ہے۔

اس کے علاوہ مومن آباد اننت ناگ میں تین کنال اراضی بھی شامل ہے، جس پر اسپتال کی عمارت کا تعمیری کام جاری ہے۔

سیاحتی مقام پہلگام میں چار کنال اراضی پر موجود لال کوٹھی ہوٹل میں ان کی غیر منقولہ جائیداد بھی شامل ہے۔

اے سی بی نے بتایا ہے کہ اننت ناگ اور پہلگام میں موجود جائیداد کی شناخت ہوچکی ہے اور وہاں کی تلاشی جاری ہے۔ تلاشی کے دوران بینک اکاؤنٹس اور کاروبار سے جڑے متضاد مواد ضبط کرلیا گیا۔

• مزید پڑھیں: بلرام پور: مشتبہ شدت پسند کے گاؤں سے گراؤنڈ رپورٹ

ملزم کے پاس موجود چند گاڑیاں بھی ضبط کی گئی ہیں جن میں ایک اسکارپیو، ایک آئی 20 ایک ٹاٹا موبائل، ایک ٹاٹا اے سی ای کیریج شامل ہے۔