آج سے ملک میں کووڈ ویکسینیشن مہم کا دوسرا مرحلہ شروع ہوچکا ہے، اس مرحلے میں 60 برس سے اوپر کے بزرگ اور 45 سال سے زیادہ عمر کے افراد جو شدید طور سے بیمار ہوں گے انہیں کورونا کا ٹیکہ لگایا جائے گا۔
اس دوسرے مرحلے کے پہلے ہی دن وزیر اعظم نریندر مودی کو دہلی کے ایمس میں بھارت کی بنی ہوئی کوویکسین کا پہلا ٹیکہ لگایا گیا اور اب اگلی ویکسین 28 دن بعد دی جائے گی۔
ہریانہ کے وزیر صحت انل وج وزیراعظم کو کورونا ٹیکہ دیے جانے کے بعد ہریانہ کے وزیر صحت انل وج نے وزیر اعظم مودی کو ملک کا سچا ہیرو قرار دیا، انہوں نے کہا کہ ایسا کام ملک کا سچا ہیرو ہی کر سکتا ہے۔
انہوں نے مزید کہا کہ وزیر اعظم مودی نے کوویکسین کی خوراک لے کر بھارت بائیوٹیک کوویکسین پر سوال اٹھانے والوں کو ایک بڑا پیغام دیا ہے، اور لوگوں میں خوف و الجھن پیدا نہیں ہونا چاہئے۔ اس لیے خود وزیراعظم نے کورونا ویکسین لینے کی پہل کی ہے۔
ہریانہ کے وزیر صحت نے جہاں وزیراعظم کو سچا ہیرو قرار دیا ہے۔ وہیں اپنے ایک ٹویٹ کے ذریعہ کہا کہ "آج عام لوگوں کے لیے کورونا ویکسین شروع ہونے جارہی ہے اور ہر ایک کو بغیر شک و شبہ کے اسے لگوانا چاہیے، لیکن میں کورونا ٹیکہ نہیں لگوا سکتا کیونکہ کووڈ ہونے کے بعد سے میرا اینٹی باڈیز 300 سے زائد بنا ہوا ہے، جو کہ بہت زیادہ ہے، شاید ٹرائل کے وقت جو ویکسین میں نے لی تھی اس کی وجہ سے مجھے ابھی تک ویکسین کی ضرورت نہیں ہے۔‘‘
ہریانہ کے وزیر صحت انیل وج کا ٹویٹ واضح رہے کہ نجی اسپتال کووڈ 19 ویکسین کی فی خوراک کے لیے 250 روپے فیس وصول کرسکیں گے، آج سے شروع ہونے والا ویکسینیشن کا دوسرا مرحلہ چھ ہفتوں تک جاری رہے گا۔
ٹیکے لگانے کے خواہشمند افراد کو کوئن پورٹل پر رجسٹریشن کروانا ہوگا، اس پورٹل پر اہل مستفید افراد اپنی پسند کا مرکز منتخب کرسکتے ہیں اور فراہم کردہ دستاویز کی بنیاد پر اپائنمنٹ لے سکتے ہیں۔
مزید پڑھیئے: وزیر اعظم نے کووڈ 19 ویکسین کی پہلی خوراک لی
