رکن اسمبلی کی کار پرحملہ، دس افراد زیر حراست

ریاست کے تین دارالحکومتوں کی تجویز کے خلاف آندھرا پردیش کے دارالحکومت امراوتی کے کسان احتجاج کر رہے ہیں۔ اس احتجاج کے موقع پر گذشتہ روز حکمران جماعت وائی ایس آر کانگریس پارٹی کے رکن اسمبلی کرشنا ریڈی کی کار پر کیے گئے حملہ کے واقعہ کے سلسلہ میں پولیس نے دس افراد کو حراست میں لے لیا۔

پولیس نے امراوتی کے منگل گری منڈل سے دس افراد کو حراست میں لیا اور ان سے پوچھ گچھ کی جارہی ہے۔اسی دوران وزیراعلی وائی ایس جگن موہن ریڈی سے آج صبح ڈی جی پی گوتم سوانگ نے ملاقات کی اور گزشتہ روز پیش آئے اس واقعہ کی تفصیلات سے ان کو واقف کروایا۔ وزیراعلی نے ریاست میں لا اینڈ آرڈر کی صورتحال پر بھی ڈی جی پی سے تفصیلات حاصل کیں۔