جونپور: سڑک حادثے میں مزدور ہلاک، 8زخمی

اترپردیش کے ضلع جونپور میں ایک ٹرک پلٹنے کے سبب اس میں سوار ایک مہاجر مزدور کی موت ہو گئی جبکہ 8 دیگر مزدور زخمی ہو گئے۔

اترپردیش کے ضلع جونپور کے کھٹہن علاقے میں جمعہ کو گٹی لدے ٹرک کے اچانک پلٹ جانے سے اس میں سوار 9 مہاجر مزدور اس کے نیچے دب گئے جس میں سے ایک کی موت ہوگئی جبکہ دیگر آٹھ زخمی ہو گئے۔

پولیس نے بتایا کہ صبح الہ آباد سے گٹی لاد کر ایک ٹرک بستی جا رہا تھا۔ اس میں نو مہاجر مزدور سوار ہوکر بستی کے لئے نکلے تھے۔ اس درمیان ٹرک جونپور میں کھٹہن سے شاہ گنج جانے والے راستے پر گوبرہا گاؤں کے نزدیک بے قابو ہو کر پلٹ گیا۔ اس حادثے میں اس ٹرک میں سوار سبھی مزدورگٹی کے نیچے دب گئے۔

حادثے کی اطلاع ملنے کے بعد موقعے پر پہنچی پولیس نے جے سی بی مشین سے گٹی ہٹا کر اس میں دبے سبھی نو مزدوروں کو نکالا لیکن تب تک ایک مزدور کی موت ہو چکی تھی۔ دیگر آٹھ زخمی مزدوروں کو علاج کے لئے اسپتال میں داخل کرایا گیا ہے۔

ضلع مجسٹریٹ دنیش کمار سنگھ اور ایس پی اشوک کمار نے موقع پر پہنچ کا جائزہ لیا۔