آر اے ایف کا الزام ہے کہ احتجاجی مظاہرے میں طلبہ نے آر اے ایف کی گاڑیوں اور جوانوں کو نشانہ بنایا جس میں آر اے ایف کے جوان بھی زخمی ہوئے۔
اے ایم یو: 10 ہزار طلبہ کے خلاف ایف آئی آر درج
ریاست اتر پردیش کے ضلع علی گڑھ میں واقع علی گڑھ مسلم یونیورسٹی میں 15 دسمبر کی شب کو این آر سی اور سی اے اے کے خلاف طلبہ کےاحتجاجی مظاہرے کے خلاف ریپڈ ایکشن فورس یعنی (آر اے ایف) نے 10 ہزار نامعلوم طلبا کے خلاف ایف آئی آر تھانہ سیول لائن میں درج کرائی ہے۔
اے ایم یو: 10 ہزار طلبہ کے خلاف ایف آئی آر درج
سی اے اے اور این آر سی کے خلاف احتجاجی مظاہرہ میں دس ہزار طلبا پر ایف آئی آر درج کرنے سے متعلق علی گڑھ انتظامیہ بیان دینے سے بچتا نظر آیا۔
واضح رہے کہ 15 دسمبر کی شب کو احتجاجی مظاہرے کے بعد تشدد میں اے ایم یو کے 40 سے زائد طلبہ زخمی ہوئے۔ جس میں دو طلبا کے ہاتھ شدید زخمی ہوئے جبکہ ایک طالب علم کا علاج کے دوران ہاتھ بھی کاٹنا پڑا۔