گذشتہ شب اسسٹنٹ کیجوالٹی میڈیکل آفیسر ڈاکٹر اسد عالم جواہر لعل نہرو میڈیکل کالج کے ٹراما سینٹر میں تھے، تبھی وہاں سات آٹھ لوگ ایک مریض کے ساتھ آئے اور مریض کے علاج کو لے کر ڈاکٹر کے ساتھ بدسلوکی اور بدتمیزی کرنے لگے، جس کے سبب ڈاکٹر زخمی بھی ہوئے۔اس واقعہ کے بعد ریذیڈنٹ ڈاکٹرز ایسوسی ایشن (آر ڈی اے) نے خصوصی میٹنگ کر گزشتہ شب پیش آئے واقعے سے متعلق تین مطالبات کے ساتھ ہڑتال کا فیصلہ لیا اور وائس چانسلر کو خط بھی لکھا۔
جواہرلعل نہرو میڈیکل کالج کے ڈاکٹر کے ساتھ بدسلوکی پر اے ایم یو ڈاکٹرز کی ہڑتال جواہرلعل نہرو میڈیکل کالج کے ڈاکٹر کے ساتھ بدسلوکی پر اے ایم یو ڈاکٹرز کی ہڑتال آر ڈی اے کے سیکریٹری ڈاکٹر محمد عادل کا کہنا ہے کہ' اگر آئندہ چوبیس گھنٹوں میں اے ایم یو انتظامیہ نے ہمارے سبھی مطالبات کو نہیں مانا تو ہم اپنی ہڑتال جاری رکھیں گے۔ متاثرہ ڈاکٹر اسد عالم نے خصوصی گفتگو میں بتایا کہ' گزشتہ شب جب سات آٹھ لوگ ایک مریض کے ساتھ آئے انہوں نے کہا کہ ان سات آٹھ لوگوں میں ایک شخص کا نام رضوان ہے بقیہ دیگر کے تعلق سے مجھے نہیں معلوم کہ وہ لوگ کون تھے۔
مزید پڑھیں:چار مبصر رواں ہفتے بنگال پہنچیں گے: الیکشن کمیشن
آر ڈی اے کے سیکریٹری ڈاکٹر محمد عادل نے خصوصی گفتگو میں بتایا کہ کل پیش آئے واقعے سے متعلق آج جی بی ایم ہوئی تھی اس میں ہم نے 3 مطالبات رکھے ہیں۔
*- جو بھی گنہگار ہے اس کو فورا گرفتار کیا جائے۔
*- جب بھی اے ایم یو طلبہ اور ملازمین آتے ہیں میڈیکل میں وہ پہلے سی ایم او کو دکھائیں نہ کہ اے سی ایم او کو۔
*- میڈیکل کیجولٹی میں باؤنسر کو رکھا جائے۔
