علی گڑھ مسلم یونیورسٹی (اے ایم یو) کے جواہر لال نہرو میڈیکل کالج (جے این ایم سی) کے ڈاکٹرز کی ایک ایسوسیشن ہوتی ہے، جس کا نام ریسیڈنٹ ڈاکٹرز ایسوسی ایشن (آر ڈی اے) ہے جس میں صدر، نائب صدر اور سیکریٹری کے ساتھ دیگر عہدیداران ہوتے ہیں جو تمام ڈاکٹرز کی رضامندی سے ڈاکٹرز کے حق میں کام کرتے ہیں۔ یہ تنظیم طلبہ یونین کی طرح ہی کام کرتی ہے۔ لیکن اے ایم یو، آرڈی اے کے انتخابات 2019 کے بعد سے نہیں ہوئے ہیں، گزشتہ برس کرونا وبا کے سبب اور رواں برس دو مرتبہ خط لکھنے کے باوجود انتظامیہ ڈاکٹرز کے بھی انتخابات نہیں کر آرہا ہے۔
اے ایم یو ڈاکٹرز کا وائس چانسلر سے آر ڈی اے انتخابات کا مطالبہ اے ایم یو، آر ڈی اے کے سابق صدر ڈاکٹر محمد کاشف نے بتایا کہ کیونکہ اے ایم یو سے میری تعلیم مکمل ہو چکی ہے اور میں دوبارہ سرکاری نوکری جوائن کرنے جا رہا ہوں لہذا میں اب صدر کی حیثیت سے اپنی خدمات کو انجام نہیں دے سکتا، جس کی اطلاع دیتے ہوئے میں نے وائس چانسلر پروفیسر منظور کو ایک خط لکھا جس میں انتخابات کو جلد سے جلد کروانے کا مطالبہ کیا گیا ہے۔ اس سے قبل بھی خط لکھ چکے ہیں لیکن انتظامیہ نے انتخابات سے متعلق کوئی جواب نہیں دیا انتظامیہ کا زبانی کہنا ہے جب جونیئر ڈاکٹرز میڈیکل کالج کو جوائن کرلیں گے اس کے بعد انتخابات کرائیں گے۔
اے ایم یو ڈاکٹرز کا وائس چانسلر سے آر ڈی اے انتخابات کا مطالبہ ڈاکٹر کاشف کے مطابق فی الحال اے ایم یو آر ڈی اے کا کوئی صدر نہیں ہے اور انتظامیہ بھی فی الحال ڈاکٹرز کے انتخابات بھی نہیں کرا رہا ہے۔
یہ بھی پڑھیں: علی گڑھ: اے ایم یو کی سو سالہ تاریخ پر مبنی کتاب منظرِعام پر
واضح رہے اے ایم یو میں اس وقت طلبہ یونین (AMUSU) بھی نہیں ہے، اے ایم یو ٹیچرز ایسوسی ایشن (AMUTA) بھی نہیں ہے، انتظامیہ ایکزیکیٹیو کونسل (EC) کے انتخابات بھی نہیں کرا رہا اور اکیڈمی کورٹ (AC) مکمل رکن نہیں ہیں۔
