راجستھان کے ضلع اجمیر شریف علاقے میں واقع دو دکانوں میں شارٹ سرکٹ کی وجہ سے آگ لگ گئی جبکہ علاقے میں افرا تفری کا ماحول پیدا ہوگیا تھا۔
اطلاع کے مطابق آتشزدگی کا یہ واقعہ خواجہ غریب نواز کی درگاہ کے قریب پھول گلی میں پیش آیا۔ وارڈ ممبر شاکر شاہ اور ان کی ٹیم نے موقع پر پہنچ کر آگ پر قابو پانے کی ہر ممکن کوشش کی تاہم آگ کے بے قابو ہونے پر فائر بریگیڈ کو اطلاع دی گئی اور حفاظتی دستہ موقع پر پہنچ گیا۔
پھول والی گلی میں آگ لگنے سے دو دکان خاکستر اس تعلق سے مزید جانکاری دیتے ہوئے وارڈ ممبر شاکر شاہ نے بتایا کہ' آگ پر قابو پا لیا گیا ہے، یہ آگ ایک کرانے کی دکان میں لگی تھی،غالب گمان یہی ہےکہ آگ کی وجہ شارٹ سرکٹ ہے مزید اس تعلق سے پتہ لگایا جا رہا ہے، پولیس کی ٹیم بھی موقع پر پہنچ گئی ہے، کسی بھی فرد کو کوئی نقصان نہیں پہنچا ہے، بس دکان میں رکھے سامان جل گئے ہیں'۔
مزید پڑھیں:جے پور: دیوالی کی رونق کے ساتھ امن و امان برقرار رکھنے کی اپیل
مقامی رہائشیوں، پولیس افسران اور فائر بریگیڈ عملے نے کافی مشقت کے بعد آگ پر قابو پالیا۔
