'میں نے رشی کپور سمیت کئی اداکاروں کو اردو سکھائی'

حضرت خواجہ غریب نواز کے شہر اجمیر سے تعلق رکھنے والے بالی وڈ فلم اداکار آفتاب اجمیری سے خاص ملاقات۔

ای ٹی وی بھارت سے گفتگو میں آفتاب اجمیری نے بتایا کہ کس طرح لاک ڈاؤن کے درمیان اداکاروں کے سامنے دشواریاں پیش آئیں اور کیسے فلمی ستاروں نے ان کی مدد کی۔ اس کے علاوہ موجودہ وقت میں بالی ووڈ کے حالات کیسے ہیں اس پر آفتاب اجمیری نے بات کی۔

آفتاب اجمیری نے کہا کہ ویسے تو وہ کئی طرح کی اداکاری کرتے ہیں لیکن انہیں مولوی اور قاضی کے رول کے لیے جانا جاتا ہے کیونکہ ان کی اردو زبان اچھی ہے۔ انہوں نے کہا کہ اگر کوئی دوسرا اداکار مولوی کا کردار ادا کرتا ہے تو اس کا تلفظ سہی نہیں ہوتا۔

آفتاب نے بتایا کہ کورونا کی وجہ سے بالی ووڈ میں کافی مشکلات ہیں۔ بڑے بجٹ کی فلمیں نہیں بن رہی ہیں۔ انہوں نے بتایا کہ کورونا کی وجہ سے کئی چھوٹے اداکار کو مشکلات کا سامنا ہے۔ انہوں نے بتایا کہ چھوٹے اداکاروں کی بڑے اداکار پیسے کے مدد کر رہے ہیں۔ انہوں نے بتایا کہ کئی اداکاروں نے ان کی بھی مدد کی۔

آفتاب اجمیری نے بالی وڈ فلم 'ہلو ہم للن بول رہے ہیں' (2010)، 'راگنی ایم ایم ایس ٹو' (2014) میں کام کیا ہے۔