23 مارچ سے بند صوفی حضرت خواجہ معین الدین حسن چشتی رحمۃ اللہ علیہ کی درگاہ اب خاص اور عام زائرین تمام عقیدتمندوں کے لیے کھول دی جائے گی۔ اس سلسلے میں درگاہ کمیٹی اور خادموں کی دونوں انجمنوں کے عہدے داروں کے ساتھ ضلع کلکٹر پرکاش راج پروہت اور پولیس کپتان کنور راشٹردیپ نے درگاہ کا جائزہ لیا۔
زائرین کی حفاظت اور انتظامی اعتبار کے تعلق سے کورونا گائیڈ لائین کو عملی جامہ پہنانے کے لیے درگاہ میں کیسے انتظام کیے جائیں اس بات پر خاص توجہ دی گئی۔
اجمیر شریف درگاہ کے کھلنے کا انتظار علاقے کے دکانداروں اور ملک کے زائرین کو بے صبری سے ہے سات ستمبر کو درگاہ کھل جانے کی خبر سے آس پاس کے تاجروں اور دکانداروں میں خوشی کی لہر ہے۔