دفعہ تین سو ستر ہٹائے جانے کی حمایت میں اجمیرمیں مظاہرہ

ریاست راجستھان کے شہر اجمیر میں بی جے پی کے مقامی کارکنوں نے جموں و کشمیر کے خصوصی موقف دفعہ 370 اور 35 اے کو ختم کرنے کی حمایت میں ترنگا ریلی منظم کی۔

جے شری رام اور وندے ماترم کے نعرے لگاتے ہوئے بی جے پی کے کارکن کافی پرجوش نظر آئے، بی جے پی صدر شیوشنکر ہیڈا اور مقامی رکن اسمبلی واسودیو دیونانی کی قیادت میں یہ بائیک ریلی نکالی جارہی تھی۔

بی جے پی کی اس بغیر اجازت بائیک ریلی کو پولیس نے بیچ راہ میں ہی روک دیا۔ پولیس نےجب بائیک ریلی کا اجازت نامہ طلب کیا تو بی جے پی رہنما ناراض ہو گئے اور نعرے بازی شروع کر دی، اس درمیان پولیس اور منتظمین کے درمیان بحث و تکرار دیکھی گئی۔ریلی جموں کشمیر سے مرکزی حکومت کے ذریعے دفعہ 370 اور 35 اے ہٹائے جانے کی خوشی میں نکالی گئی تھی، مگر بی جے پی کارکنوں کے رویہ کو دیکھ کر پولیس نے انہیں نیا بازار چوپڑ تک ہی ترنگا ریلی نکالنے کی اجازت دی۔