اجمیر: افغان سفیر کی خواجہ کے دربار میں حاضری

حکومت افغانستان کی جانب سے اجمیر درگاہ میں ان کے نمائندوں کی حاضری ہوتی رہتی ہے۔

افغانستان میں امن اور بھارت اور افغانستان کے درمیان خوشگوار تعلقات کے لیے درگاہ اجمیر شریف میں دعا کی گئی۔ بھارت میں افغان سفیر فرید ماموندزی، حضرت خواجہ معین الدین حسن چشتی رحمۃ اللہ علیہ کے دربار پہنچے اور دونوں ممالک کے درمیان اچھے تعلقات کے لیے دعا کی۔ ان کے ساتھ سفارت خانے کا وفد بھی موجود تھا۔ درگاہ کے خادم حاجی سید سلمان چشتی نے سب کو آستانہ شریف کی زیارت کروائی اور دستار بندی کرکے دربار کا تبرک پیش کیا۔

اس موقع پر چشتی خاندان نے سفارت خانے کے وفد کا خیر مقدم کیا اور سلمان چشتی نے فرید ماموندزی سے اجمیر اور افغان شہر ہرات کو سسٹر سٹی قرار دینے کی تجویز کے بارے میں بھی تبادلہ خیال کیا۔

قابل ذکر ہے کہ حکومت افغانستان کی جانب سے اجمیر درگاہ میں ان کے نمائندوں کی حاضری ہوتی رہی ہے۔ یہی وجہ ہے کہ کئی بار خادم سلمان چشتی بھی اجمیر سے افغانستان جا چکے ہیں۔