ریاست گجرات میں کورونا کیسز سے ہلاک ہونے والوں کی تعداد میں بھی تیزی سے اضافہ ہو رہا ہے۔ کورونا وائرس سے اب تک گجرات میں تین ہزار کے قریب اموات ہو چکی ہیں۔
ریاست میں گزشتہ 24 گھنٹوں کے دوران کورونا کے 1145 نئے کیسز کی تصدیق ہوئی ہے جس کے بعد کیسز کی مجموعی تعداد 82 ہزار 87 ہو گئی ہے، اسی دوران 17 افراد کی ہلاکت کے بعد ہلاک شدگان کی مجموعی تعداد 2839 ہو گئی ہے۔
موصولہ اطلاعات کے مطابق گجرات میں کورونا سے صحتیاب ہونے والے افراد کی تعداد میں بھی اضافہ درج کیا جا رہا ہے، یہاں اب تک 64 ہزار 830 افراد اس بیماری سے نجات پا چکے ہیں، گزشتہ 24 گھنٹے کے دوران 1120 افراد کے صحتیابی کی اطلاعات ہیں، جنہیں اسپتال سے فارغ کر دیا گیا ہے۔
خیال رہے کہ موجودہ وقت میں گجرات میں 14 ہزار 418 مثبت کیسز ہیں۔ ان میں سے 81 مریض وینٹی لیٹر پر ہیں جبکہ 14 ہزار 337 مریضوں کی حالت مستحکم بتائی جا رہی ہیں۔
