لاک ڈاون کی وجہ سے چھوٹے تاجر پریشان حال

لاک ڈاؤن کے دوران بیس اپریل سے صنعتی اکائیوں میں کچھ راحت دیتے ہوے انہیں دوبارہ شروع کیا گیا ہے. لیکن یہ راحت شہر کے باہری علاقوں یا گاؤں میں ملیں ہیں، شہروں میں بسنے والے صنعت کار اب بھی پریشان حال ہیں۔

احمد آباد ایک صنعتی شہر ہے یہاں بڑے بڑے صنعتی اکائیوں کے ساتھ ساتھ لاکھوں کی تعداد میں چھوٹے کاروباری اور چھوٹے دکاندار اپنا کاروبار چلا رہے ہیں لیکن لاک ڈاؤن کی وجہ سے یہ پوری طرح ختم ہوتے نظر آرہے ہیں۔ ان کے لیے حکومت نے کسی طرح کے کوئی اچھے پیکیج کا اعلان نہیں کیا ہے۔ ایسے میں احمدآباد کے تاجروں نے حکومت سے اپنی روداد بتاتے ہوئے پیکج کا اعلان کرنے کا مطالبہ کیا ہے۔

اس تعلق سے احمدآباد کے تاجر ذاکر ارب کا کہنا ہے کہ سرکار سے گزارش کرنا چاہتا ہوں کہ 'جو چھوٹے تاجر یا ٹریڈرز ہیں حکومت ان پر بھی غور کرے کیونکہ چپل کی صنعت کپڑے کی صنعت جیسی چھوٹی چھوٹی فیکٹری اور دکانوں کے بارے میں حکومت نے کچھ نہیں سوچا ہے۔

اس کی وجہ سے ایسے کاروبار اور اس طرح کے تاجر کو کافی نقصان پہنچ رہا ہے۔ یہ تاجر بھی جی ایس ٹی ٹیکس اور دوسری طرح کے بل جمع کراتے ہیں لیکن انہیں ابھی تک کوئی راحت کی خبر نہیں ملی ہے۔

آئندہ لمبے وقت تک ایسے چھوٹے موٹے تاجروں کو لاک ڈاون کی وجہ سے پریشانی اور بھوک مری کا بھی سامنا کرنا پڑ سکتا ہے۔ انہیں ان حالات سے نجات دلانے کے لیے حکومت کو کوئی قدم اٹھانے کی ضرورت ہے۔