کھیڑا،گجرات : روضہ روضی درگاہ کی بے حرمتی، ویڈیو وائرل

روضہ روضی دگاہ کے احاطہ میں گزشتہ شب چند غیر مسلم نوجوان ڈی جے بجاکر رقص کیا۔ مذکورہ درگاہ کی بے حرمتی کی ۔ اس معاملہ کا ویڈیو وائرل ہونے کے بعد مقامی مسلمانوں میں غم و غصہ کی لہر دیکھی جارہی ہے۔

گجرات کے ضلع کھیڑا میں واقع موجود روضہ روضی درگاہ کے احاطہ میں گزشتہ شام چند غیر مسلم نوجوانوں نے ڈی جے بجاکر رقص کیا اور درگاہ کی بے حرمتی کی۔ اس معاملہ کا ویڈیو منظر عام پر آنے کے بعد مقامی مسلمانوں میں سخت ناراضگی دیکھی جارہی ہے۔

وہیں اس معاملے پر جمعیت العلماء ہند گجرات کے سکریٹری اسلم قریشی نے کہا کہ روضہ روضی درگاہ کافی قدیم درگاہ ہے۔ یہ ایک تاریخی وراثت ہے۔ وہاں پہلے بھی اس طرح کے معاملات سامنے آئے تھے۔

انہوں نے مزید کہا کہ جہاں یہ درگاہ ہے وہاں مسلمانوں کی آبادی کم ہے۔ لیکن کچھ شدت پسند اسی طرح کے امور کو انجام دیتے رہتے ہیں۔

انہو ں نے کہا کہ درگاہ سے متصل مندر کی تعمیر کی گئی ہے۔

مذکورہ معاملہ کا ویڈیو وائرل ہونے کے بعد مسلمانوں میں ناراضگی دیکھی جارہی ہے۔

جمیعت العلماء ہند کے عہدیدار کا کہنا ہے کہ آئی جی، ڈی آئی جی اور ریاستی وزیر داخلہ کو اس سلسلے میں درخواست دی جائے گی۔ کیونکہ سب سے اہم معاملہ نظم و نسق اور امن و امان کی صورتحال کو برقرار رکھنا ہے۔

انہوں نے مطالبہ کیا ہے کہ مذکورہ معاملہ کے ملزمین کو فوراً گرفتار کیا جائے اور قانونی کارروائی کی جائے۔