بجنور: دو کسانوں پر جانور کا حملہ

دونوں کسانوں کو ایمبولنس سے سرکاری اسپتال میں علاج کے لئے داخل کرایا گیا ہے جن کی حالت اب خطرے سے باہر ہے۔

اتر پردیش کے ضلع بجنور میں کھیت کی رکھوالی کرنے کے دوران دو کسانوں پر اچانک جنگل سے نکلے جانور نے حملہ کردیا ہے۔

دونوں کسانوں کو سرکاری اسپتال میں علاج کے لئے داخل کرایا گیا ہے۔

ریاست اترپردیش کے بجنور ضلع کے تھانہ نجیب آباد کے سمیع پور میں آج صبح دو کسان گنگارام و منوہر اپنے کھیت کی رکھوالی کر رہے تھے کہ اسی دوران اچانک خطرناک جنگلی جانور چیتے نے دونوں پر حملہ کر دیا۔

دونوں کسانوں نے کچھ دیر تک چیتے کے ساتھ مقابلہ بھی کیا۔ زخمی کسان نے کہا کہ اگر چیتے کے ساتھ مقابلہ نہ کرتے تو جان بھی جا سکتی تھی۔

دونوں کسانوں کو ایمبولنس سے سرکاری اسپتال میں علاج کے لئے داخل کرایا گیا ہے جن کی حالت اب خطرے سے باہر ہے۔ دونوں کے ہاتھ زخمی ہوئے ہیں-