September WPI Inflation ستمبر میں تھوک مہنگائی 10.7 فیصد ریکارڈ

پیداواری مصنوعات کی قیمتوں میں نرمی، کھانے پینے کی اشیاء اور ایندھن کی قیمتوں میں اعتدال کی وجہ سے ستمبر میں ہول سیل قیمتوں پر مبنی افراط زر مسلسل چوتھے مہینے کم ہوکر 10.7 فیصد ہوگیا۔ WPI inflation eases to 10.7 pc in Sep

نئی دہلی: پیداواری مصنوعات کی قیمتوں میں نرمی، کھانے پینے کی اشیاء اور ایندھن کی قیمتوں میں اعتدال کی وجہ ستمبر میں ہول سیل قیمتوں پر مبنی افراط زر 10.7 فیصد ہو گئی ہے۔ ہول سیل پرائس انڈیکس (ڈبلیو پی آئی) کی بنیاد پر مہنگائی گذشتہ مہینے اگست میں 12.41 فیصد رہی۔ گذشتہ برس ستمبر میں یہ 11.80 فیصد تھا۔ ڈبلیو پی آئی رواں برس مئی میں 15.88 فیصد کی بلند ترین سطح پر پہنچ گیا تھا۔ WPI inflation eases to 10.7 pc in Sep

ڈبلیو پی آئی افراط زر میں مسلسل چوتھے مہینے کمی کا رجحان دیکھا گیا ہے۔ ستمبر 2022 میں مسلسل 18ویں مہینے تک، یہ دوہرے ہندسے میں رہا۔ ایک سرکاری بیان میں کہا گیا ہے کہ ستمبر 2022 میں مہنگائی کی سطح بنیادی طور پر معدنی تیل، اشیائے خوردونوش، خام تیل اور قدرتی گیس، کیمیکل اور کیمیکل مصنوعات، بنیادی دھاتیں، بجلی، ٹیکسٹائل وغیرہ کی قیمتوں میں گزشتہ ماہ کی طرح اضافہ تھا۔

اشیائے خوردونوش کی مہنگائی اگست میں 12.37 فیصد سے کم ہو کر ستمبر میں 11.03 فیصد رہ گئی۔ اگست میں 22.29 فیصد کے مقابلے رواں ماہ میں سبزیوں کی قیمتیں بڑھ کر 39.66 فیصد ہوگئیں۔ ستمبر میں ایندھن اور بجلی کی افراط زر 32.61 فیصد رہی جو اگست میں 33.67 فیصد تھی۔ تیار شدہ مصنوعات اور تیل کی افراط زر بالترتیب 6.34 فیصد اور منفی 16.55 فیصد رہی۔

ریزرو بینک آف انڈیا بنیادی طور پر مانیٹری پالیسی کے ذریعے افراط زر کو کنٹرول کرتا ہے۔ خوردہ افراط زر مسلسل نویں مہینے ریزرو بینک آف انڈیا کے مقرر کردہ 6 فیصد ہدف سے اوپر رہا۔ ستمبر میں یہ 7.41 فیصد تھی۔ مہنگائی پر قابو پانے کے لیے آر بی آئی نے رواں برس کلیدی شرح سود کو چار گنا بڑھا کر 5.90 فیصد کر دیا ہے۔