What is Hindenburg Research اڈانی پر دھوکہ دہی کا الزام لگانے والی فرم ہندنبرگ کے بارے میں جانیئے

ہنڈن برگ کی رپورٹ کے بعد بھارتی صنعت کار گوتم اڈانی کو راحت ملتی ہوئی نظر نہیں آرہی ہے۔ بھلے ہی گوتم اڈانی نے ہنڈن برگ کی رپورٹ کو بے بنیاد قرار دیا ہے، لیکن ایسا نہیں لگتا کہ اڈانی پر سرمایہ کاروں کا اعتماد جلد بحال ہوگا۔ What is Hindenburg Research

حیدرآباد: ہنڈن برگ ریسرچ اڈانی گروپ کے خلاف گھوٹالے کی رپورٹ شائع کرکے ان دنوں سرخیوں میں ہے۔ فرم نے بھارت کے سب سے امیر آدمی گوتم اڈانی پر ایک رپورٹ شائع کی ہے۔ ہنڈن برگ کا الزام ہے کہ اڈانی گروپ اسٹاک میں ہیرا پھیری اور اکاؤنٹ فراڈ میں ملوث ہے۔ اس رپورٹ کے آنے کے بعد اڈانی گروپ کی ساخت کو نہ صرف نقصان پہنچا ہے، بلکہ اڈانی کی کل مالیات میں بھاری گروٹ درج کی گئی ہے۔ رپورٹ شائع ہونے سے قبل اڈانی دنیا کے تیسرے امیر ترین افراد تھے، مگر آج خبر لکھے جانے تک اڈانی دنیا کے بیس امیرترین افراد کی فہرست سے باہر ہوگئے ہیں۔ آیئے جاننتے ہیں کہ ہنڈن برگ ریسرچ کیا؟

بتادیں کہ ہنڈن برگ ریسرچ ایک امریکی فنانشل ریسرچ فرم ہے، جس کا آغاز نیتھن اینڈرسن نامی ایک تاجر نے کیا تھا۔ یہ سنہ 2017 میں قائم کردہ کمپنی ہے۔ کمپنی کا دعویٰ ہے کہ وہ مالیاتی تحقیق میں ماہر ہے اور اس کا کئی دہائیوں کا تجربہ ہے۔ بتادیں کہ ہنڈن برگ اڈانی گروپ پر اسٹاک میں ہیرا پھیری اور اکاؤنٹنگ فراڈ اسکیم کے الزام لگانے کے بعد دوبارہ سرخیوں میں ہے۔

کمپنی نے دو سال کی تحقیق کا حوالہ دیا ہے، جس میں اڈانی کے سابق سینئر ایگزیکٹوز کے ساتھ بات چیت اور ہزاروں دستاویزات کے جائزے شامل ہیں۔ اڈانی گروپ نے الزامات کو بے بنیاد قرار دیتے ہوئے انہیں غلط، بے بنیاد، بدنام، بدنیتی پر مجموعہ قرار دیا ہے۔ اس کے باوجود، بلومبرگ بلینیئرز انڈیکس کے مطابق، ہنڈن برگ کے الزامات کی وجہ سے اڈانی گروپ کے بانی گوتم اڈانی کی تقریبا ایک ہفتے میں دنیا کے تیسرے امیر ترین افراد سے گھٹ کر اب دنیا کے بیس امیر ترین افراد کی فہرست سے باہر ہوگئے ہیں۔

ہنڈن برگ کا کہنا ہے کہ وہ فرانزک مالیاتی تحقیق میں مہارت رکھتا ہے۔ یہ کاروباری دنیا میں بدعنوانی یا دھوکہ دہی کو تلاش کرتا ہے، جیسے اکاؤنٹنگ کی بے ضابطگیوں اور انتظام سمیت مالیاتی خرابی شامل ہے۔

اس کا نام کہاں سے آیا؟ کمپنی کے نام کے پیچھے ایک خاص وجہ ہے۔ اسے ایک خاص مقصد کے تحت ہنڈن برگ ریسرچ کا نام دیا گیا ہے۔ کمپنی کا خیال ہے کہ آفت کو ٹالا جا سکتا ہے۔ کمپنی کا نام ا ہنڈن برگ ایئر لائن کا طیارہ حادثہ سے منسوب ہے جس میں تقریباً 37 لوگ مارے گئے۔

ہنڈن برگ ریسرچ ماضی میں بھی کئی کمپنیوں کے بارے میں ایسی رپورٹس جاری کر چکی ہے۔ ان رپورٹس کی وجہ سے ان کمپنیوں کے شیئرز میں زبردست گراوٹ درج کی گئی۔ سنہ 2020 میں ہنڈن برگ نے امریکی ٹرک بنانے والی کمپنی نکولا کے بارے میں رپورٹ شائع کی۔ کمپنی کی رپورٹ میں کہاگیا کہ نکولا اپنی نئی گاڑیوں کے بارے میں بتا کر دھوکہ دیا، جب کہ حقیقت میں ان کے پاس کوئی گاڑی نہیں تھی۔ سنہ 2016 کے بعد سے ہنڈن برگ ریسرچ ایسی کئی رپورٹس جاری کرچکی ہے، جس کی وجہ سے کئی کمپنیوں کے شیئرز بری طرح ٹوٹ چکے ہیں۔

ہندنبرگ سرگرمیاں؟ امریکہ کا اقتصاد سے متعلق مذکورہ ادارہ اپنی رپورٹس پیش کرتا ہے اور اس رپورٹس کے ذریعے پیسہ کماتا ہے۔ شارٹ سیلنگ کا مطلب کسی اسٹاک، سیکیورٹی یا کموڈٹی کی فروخت کو متاثر کرنا ہے، تاکہ اس کی قیمت ڈیلیوری کے وقت سے پہلے گر جائے اور اسے کم قیمت پر خریدا جا سکے۔ اس کا مطلب یہ ہوا کہ ہنڈن برگ کسی بھی کمپنی کو نشانہ بناسکتی ہے اور اس کی خامیوں کو منظر عام پر لا سکتی ہے، جس کے بعد کمپنی کے حصص میں نمایا طور پر کمی آتی ہے۔ ہنڈن برگ نے اڈانی گروپ کے خلاف اپنی رپورٹ میں کہا ہے کہ اڈانی گروپ کے شیئرز 85 فیصد تک گر سکتے ہیں۔