Stock Market Ends Lower اسٹاک مارکیٹ میں گراوٹ

بی ایس ای میں درج کمپنیوں کی کل مارکیٹ کیپ آج گھٹ کر 278.11 لاکھ کروڑ روپے ہوگئی۔ Stock Market Ends Lower

ممبئی: عالمی بازار سے مثبت اشارے ملنے کے باوجود، گھریلو اسٹاک مارکیٹ منگل 16 مئی کو گراوٹ کے ساتھ بند ہوئیں، جس کی وجہ ایچ ڈی ایف سی کے حصص میں کمی درج کی گئی۔ سینسیکس 413.24 پوائنٹس کے ساتھ 62 ہزار پوائنٹس کی نفسیاتی سطح سے نیچے 61932.47 پوائنٹس پر اور نیشنل اسٹاک ایکسچینج (این ایس ای) نفٹی 112.35 پوائنٹس گر کر 18286.50 پوائنٹس پر آگیا۔ آج کے کاروبار میں سب سے زیادہ گراوٹ آٹو، بینکنگ اور فارما اسٹاکس میں دیکھی گئی۔ تاہم اس عرصے کے دوران درمیانی اور چھوٹی کمپنیوں میں خریداری کا رجحان رہا، جس کی وجہ سے بی ایس ای مڈ کیپ 0.18 فیصد بڑھ کر 26371.28 پوائنٹس اورا سمال کیپ 0.12 فیصد اضافے کے ساتھ 29798.94 پوائنٹس پر پہنچ گیا۔

بی ایس ای کے 14 بڑی کمپنیوں میں کمی آئی۔ اس میں آٹو میں سب سے زیادہ 0.97 فیصد کی کمی ریکارڈ کی گئی۔ بڑے فائدہ اٹھانے والوں میں صنعتی 0.34 فیصد، آئی ٹی 0.18 فیصد، ٹیلی کمیونیکیشن 0.14 فیصد اور سی جی 0.19 فیصد شامل تھے۔ بی ایس ای پر کل 3659 کمپنیوں کا کاروبار ہوا جن میں سے 1842 میں اضافہ اور 1683 میں کمی جبکہ 134 میں کوئی تبدیلی نہیں ہوئی۔ عالمی سطح پر، چین کے شنگھائی کمپوزٹ میں 0.60 فیصد گرنے کو چھوڑ کر، دیگر تمام اہم انڈیکس میں اضافہ ہوا، بشمول برطانیہ کا ایف ٹی ایس ای0.14 فیصد، جرمنی کا دیکس0.42 فیصد، جاپان کا نکئی0.73 فیصد اور ہانگ کانگ کا ہانگ سینگ 0.04 فیصد۔