نئی دہلی: حکومت کی اقتصادی اصلاحات کے لیے اٹھائے گئے ضروری اقدامات اور اور بہتر رپورٹنگ کی بدولت رواں برس ستمبر میں اشیا اور خدمات ٹیکس (جی ایس ٹی) کا کلیکشن مسلسل ساتویں مہینے 1.40 لاکھ کروڑ روپے سے تجاوز کر گیا ہے۔ رواں برس ستمبر میں 147686 کروڑ روپے جی ایس ٹی ریوینیو کلیکٹ ہواہے، جو کہ گزشتہ برس کے اسی مہینے میں جمع ہونے والے 117010 کروڑ روپے سے 26 فیصد زیادہ ہے۔ GST collection in September surpasses Rs 1.4 lakh crore
وزارت خزانہ کی طرف سے جاری کردہ اعداد و شمار کے مطابق، ستمبر 2022 میں جی ایس ٹی رینوینیو 147686 کروڑ روپے تھا، جو ستمبر 2021 کے 117010 کروڑ روپے سے 26 فیصد زیادہ ہے۔ کل جی ایس ٹی میں سی جی ایس ٹی 25271 کروڑ روپے، ایس جی ایس ٹی 31813 کروڑ روپے، آئی جی ایس ڈی 80464 کروڑ روپے ، جس میں درآمدی سامان پر جی ایس ٹی کلیکشن 41215 کروڑ روپے بھی شامل ہے اور 10137 کروڑ روپے کا معاوضہ ٹیکس کلیکشن ہوا جس میں 856 کروڑ روپے کا درآمدی سامان پر کلیکشن ٹیکس بھی شامل ہے۔