کینیڈا میں بے روزگاری کی شرح نئی بلندی پر

عالمی وبا کورونا وائرس کے پھیلاؤ سے جہاں زندگی کا ہر شعبہ بری طرح متاثر ہوا، وہیں روزگار کے مواقع میں کمی آئی اور بے روزگاری کی شرح بلندی پر پہنچ گئی ہے۔

رقبے کے لحاظ سے دنیا کے دوسرے سب سے بڑے ملک کینیڈا میں کورونا وائرس وبا کی دوسری لہر کی وجہ سے بے روزگاری کی شرح جنوری میں 0.6 فیصد سے بڑھ کر 9.4 فیصد ہوگئی ہے۔

اگست 2020 سے اب تک یہ سب سے زیادہ بے روزگاری کی شرح ہے۔ قومی شماریاتی دفتر نے یہ اعداد و شمار جاری کیے ہیں۔ سنہوا کی خبر کے مطابق جمعہ کے روز کینیڈا کے شماریات کے دفتر نے کہا کہ جنوری میں روزگار میں 213،000 یا 1.2 فیصد کی کمی واقع ہوئی ہے، کیونکہ ملک بھر میں بہت سے کاروبار لاک ڈاؤن اور پابندیوں کی وجہ سے بند ہوگئے تھے۔