بھارتی جی ڈی پی میں بھاری گراوٹ

کورونا وائرس کی عالمی وبا سے نمٹنے کے لیے نافذ کیے گئے لاک ڈاؤن کی وجہ سے ملک کی مجموعی گھریلو پیداوار (جی ڈی پی) رواں مالی سال کی سہ ماہی(اپریل سے جون) کے دوران صفر سے 23.9 فیصد نیچے تک جاچکی ہے۔

مرکزی دفتر شماریات(سینٹرل اسٹیٹسٹک آفس) کی جانب سے جاری ہونے والے جی ڈی پی کے سہ ماہی اعداد و شمار کے مطابق گزشتہ مالی سال کے اسی عرصے میں یہ شرح 5.2 فیصد تھی۔

جی ڈی پی کی شرح نمو

لاک ڈاؤن کے باعث ملک میں معاشی سرگرمیاں مکمل طور پر بند ہوگئی تھیں۔ اس کے بعد حکومت نے سماجی فاصلے کے اصولوں پر عمل پیرا ہوکر مرحلہ وار طور پر مینوفیکچرنگ سمیت مختلف سرگرمیوں کو دوبارہ شروع کرنے کی اجازت دی تھی لیکن ابھی تک تمام شعبوں میں کورونا وائرس سے پہلے کی طرح کام کاج نہیں ہورہے ہیں۔

GDP

حکومتی اعداد و شمار کے مطابق رواں مالی سال کی پہلی سہ ماہی میں ملک کی جی ڈی پی 26 لاکھ 89 ہزار 556 کروڑ روپے رہی ہے، جو گزشتہ مالی سال کے اسی عرصہ کے 35 لاکھ 35 ہزار 267 کروڑ 267 کروڑ روپے سے 23.9 فیصد کم ہے۔ اس طرح سے ملک کی جی ڈی پی کی شرح نمو صفر سے 23.9 فیصد سے نیچے رہی ہے۔

سرکاری بیان میں کہا گیا ہے کہ پہلی سہ ماہی کے تخمینے جون 2020 میں ختم ہونے والے ربیع سیزن کی زراعتی پیداوار پر مبنی ہیں۔