میسجنگ خدمات فراہم کرنے والی کمپنی ٹیلی گرام کے صارفین کی تعداد 50 کروڑ سے تجاوز کر گئی۔ واٹس ایپ کی رازداری کی پالیسی کے تنازع کے بعد حالیہ کچھ دنوں میں ٹیلی گرام صارفین میں تیزی سے اضافہ ہوا ہے۔
ٹیلی گرام نے ایک بیان میں کہا ہے کہ گذشتہ 72 گھنٹوں میں 2.5 کروڑ نئے صارفین شامل ہوئے ہیں۔ انہوں نے کہا کہ' جنوری کے پہلے ہفتے میں ان کے کل صارفین 50 کروڑ کو تجاوز کرچکے ہیں اور اس میں مسلسل اضافہ ہورہا ہے۔
حالانکہ کمپنی نے یہ نہیں بتایا کہ اسے بھارت میں کتنے نئے صارف موصول ہوئے ہیں۔ انہوں نے کہا کہ ان کے 38 فیصد نئے صارفین ایشیاء سے ہیں۔ اس کے علاوہ 27 فیصد نئے صارفین یورپ سے 21 فیصد لاطین امریکہ سے اور آٹھ فیصد مغربی ایشیا اور شمالی افریقہ سے ہیں۔
سینسر ٹاور کے اعداد و شمار کا حوالہ دیتے ہوئے کچھ خبروں میں کہا گیا ہے کہ ٹیلی گرام نے 6 سے 10 جنوری تک بھارت میں 15 لاکھ نئے ڈاؤن لوڈ حاصل کیے ہیں۔
بھارت دنیا کا دوسرا سب سے بڑا ٹیلی کام مارکیٹ اور ڈیٹا کا سب سے بڑا صارف ہے۔ 30 اکتوبر 2020 تک ملک میں کل 117 کروڑ ٹیلیفون کنیکشن موجود تھے۔ جن میں سے 115 کروڑ موبائل رابطے تھے۔
