آئل مارکیٹنگ کمپنیوں نے بدھ کے روز دہلی میں 30 پیسے، کولکاتا اور ممبئی میں 29 پیسے اور چنئی میں 26 پیسے فی لیٹر پٹرول کی قیمتوں میں اضافہ کیا۔ اسی دوران دہلی اور کولکاتا میں ڈیزل کی قیمت میں 25 پیسے، ممبئی میں 27 پیسے اور چنئی میں 24 پیسے کا اضافہ ہوا ہے۔
دہلی میں پیٹرول 87.60 روپے فی لیٹر ہے، جبکہ ممبئی پیٹرول 94.12 روپے لیٹر ہے۔
دوسری جانب بعد بین الاقوامی مارکیٹ میں خام تیل کی قیمت میں کمی درج کی گئی ہے۔ تاہم بینچ مارک خام تیل فی بیرل 61 سے زیادہ ہے۔
انڈین آئل کی ویب سائٹ کے مطابق دہلی، کولکاتہ، ممبئی اور چنئی میں پیٹرول کی قیمت بالترتیب 87.60 روپے، 88.92 روپے، 94.12 روپے اور 89.96 روپے فی لیٹر ہوگئی ہے۔ دہلی، کولکاتہ، ممبئی اور چنئی میں ڈیزل کی قیمتیں بھی بالترتیب 77.73، 81.31 روپے، 84.63 روپے اور 82.90 روپے فی لیٹر ہوگئی ہیں۔
بین الاقوامی فیوچر مارکیٹ انٹرکونٹینینٹل ایکسچینج (آئی سی ای) میں بینچ مارک خام تیل بدھ کے روز اپنے گذشتہ سیشن کے مقابلے میں 0.31 فیصد کی کمی کے ساتھ فی بیرل 61.03 ڈالر پر کاروبار کررہا تھا۔
نیو یارک مرکنٹائل ایکسچینج (این آئی ایم اے ایکس) پر ویسٹ ٹیکساس انٹرمیڈیٹ (ڈبلیو ٹی آئی) مارچ کا معاہدہ گذشتہ سیشن کے مقابلے میں 0.22 فیصد کم ہوکر 58.23 ڈالر فی بیرل پر تجارت کررہا تھا۔
