بینک ایم ایس ایم ای تک پہنچ پر توجہ مرکوز کریں: سیتارمن

وزیر خزانہ نرملا سیتارمن نے سرکاری بینکوں سے ’آتم نربھر بھارت‘ مہم کے تحت اعلان شدہ صد فیصد ایمجینسی کریڈ ٹ لائن کے تحت ایم ایس ایم ای تک پہنچ یقینی بنانے اور انہیں قرض دستیاب کرانے کے لیے کہا ہے۔

محترمہ سیتارمن نے آج ویڈیو کانفرنسنگ کے ذریعہ سرکاری بینکوں کے منیجمنگ ڈائرکٹروں کے ساتھ جائزہ میٹنگ کرتے ہوئے کہا کہ بینکوں کو اس اسکیم کے تحت قرض منظور کرنے اور اہل ایم ایس ایم ای تک پہنچ یقینی بنانی چاہئے۔ اس کے ساتھ ہی دیگر کاروباریوں کے بھی قرض کی ضرورتوں کو پورا کرنے کا ہدف حاصل کرنے پر زور دیا جانا چاہئے۔

وزیر خزانہ نے اس اسکیم کے تحت ا تک سرکاری بینکوں کے ذریعہ 20ہزار کروڑ روپے کے قرض منظور کئے جانے کے لئے تعریف کرتے ہوئے کہا کہ اس اسکیم کا فارم آسان ہونا چاہئے۔

اس اسکیم کے تحت آٹھ جون تک ملک کی 12ریاستوں میں واقع ایم ایس ایم ای مراکز کے لئے 1109.03کروڑ روپے کے قرض منظور کئے گئے ہیں اور ان میں سے 599.12کروڑ روپے 17904گاہکوں کو دیئے بھی جاچکے ہیں۔

خیال رہے کہ اس اسکیم کے تحت تین لاکھ کروڑ روپے تک کے قرض کے لئے حکومت صدفیصد گارنٹی دے رہی ہے۔