'بھارت میں دنیا کے لیے ویکسین تیار کرنے کی صلاحیت'

مائیکروسافٹ کے بانی بل گیٹس نے کہا کہ بھارتی دوا ساز صنعت نہ صرف بھارت بلکہ پوری دنیا کے لیے کووڈ۔19 ویکسین بنانے کی صلاحیت رکھتی ہے۔

بل اور میلنڈا گیٹس فاؤنڈیشن کے شریک سربراہ اور ٹرسٹی نے کہا کہ بھارت میں بہت ساری اہم چیزیں واقع ہوئیں ہیں اور اس کی دوا سازی کی صنعت کورونا وائرس سے بچاؤ کے لیے کام کر رہی ہے۔

کووڈ۔19: وائرس کے خلاف بھارت کی لڑائی کے عنوان سے ایک دستاویزی فلم میں، انہوں نے کہا کہ بھارت کو اپنی بہت بڑی آبادی اور شہری مراکز کی وجہ سے صحت کے بحران کا ایک بڑا چیلنج درپیش ہے۔ یہ دستاویزی فلم ڈسکوری پلس چینل پر جمعرات کی شام نشر کی جائے گی۔

بھارت کی دوا ساز صنعت کی صلاحیتوں کے بارے میں انہوں نے کہاکہ' بھارت میں بہت زیادہ صلاحیتیں ہیں۔ یہاں کی دواسازی اور ویکسین کمپنیاں پوری دنیا کو بہت زیادہ دوا فراہم کرتا ہے۔ آپ جانتے ہیں بھارت میں سب سے زیادہ ویکسین بنائی جاتی ہیں۔'"

انہوں نے کہا کہ' یہاں بائیو ای، بھارت بائیوٹیک اور دیگر ہیں جو کورونا وائرس ویکسین بنانے میں مدد کے لیے کام کر رہے ہیں'۔

انہوں نے کہاکہ' میں پرجوش ہوں کہ وہاں کی دوا سازی صنعت نہ صرف بھارت بلکہ پوری دنیا کے لیے (ویکسین) تیار کرسکے گی۔ ہمیں اموات کی تعداد کو کم کرنے، اور اس بات کو یقینی بنانے کی ضرورت ہے کہ اس بیماری کو ختم کرنے کے لیے قوت مدافعت ہمارے اندر موجود ہے۔'

بل گیٹس نے کہا کہ بل اور میلنڈا گیٹس فاؤنڈیشن بھی حکومت کا شراکت دار ہے اور وہ خصوصی طور پر محکمہ بائیوٹیکنالوجی، انڈین کونسل آف میڈیکل ریسرچ (آئی سی ایم آر) اور پرنسپل سائنسی مشیر کے دفتر کے ساتھ خصوصی طور پر کام کر رہا ہے'۔