اشیاء و خدمات ٹیکس (جی ایس ٹی) کونسل نے کورونا وائرس کے ٹیکے پر جی ایس ٹی کی شرح کو پانچ فیصد پر برقرار رکھنے کا فیصلہ کیاہے۔
وزیر خزانہ نرملا سیتارمن کی زیرصدارت جی ایس ٹی کونسل کی 44 ویں میٹنگ میں ٹیکوں پر جی ایس ٹی کی شرح کو کم کرنے کے بارے میں کوئی فیصلہ نہیں کیا جاسکا۔
وزیر خزانہ نے اجلاس کے بعد صحافیوں کو بتایا کہ ملک کے تمام باشندوں کے لیے مرکزی حکومت یہ ویکسین خرید رہی ہے اور ریاستوں کو دے رہی ہے، اس لیے کورونا وائرس کے ٹیکے پر جی ایس ٹی کی شرح سے کسی کو پریشان ہونے کی ضرورت نہیں ہے۔ اس پر جی ایس ٹی کی شرح جوں کی توں رکھی گئی ہے۔
قابل ذکر ہے کہ اس وقت دو ٹیکے مقامی سطح پر تیار کیے جارہے ہیں، جس پر 5٪ جی ایس ٹی لگایا جاتا ہے۔
یو این آئی
