ای پی ایف او کے مغربی دہلی دفتر نے ریکارڈ قائم کیا

مغربی دہلی کے ریجنل پروویڈنٹ فنڈ کمشنر اتم پرکاش نے ہفتہ کے روز یہاں بتایا کہ ای پی ایف او نے کورونا وائرس کی وبا کے دباؤ کا سامنا کرنے والے ملازمین کی مدد کے لیے تین دن کے اندر ان کی درخواستوں کو نمٹانے کی ہدایت دی ہے۔

نئی دہلی: ایمپلائز پروویڈنٹ فنڈ آرگنائزیشن (ای پی ایف او) کے مغربی دہلی دفتر نے کورونا وائرس کی وبا کے دوران لگاتار 125 دن کام کیا اور تقریبا ایک لاکھ لوگوں کو 155 کروڑ روپے کی رقم تقسیم کی ہے۔

مغربی دہلی کے ریجنل پروویڈنٹ فنڈ کمشنر اتم پرکاش نے ہفتہ کے روز یہاں بتایا کہ ای پی ایف او نے کورونا وائرس کی وبا کے دباؤ کا سامنا کرنے والے ملازمین کی مدد کے لیے تین دن کے اندر ان کی درخواستوں کو نمٹانے کی ہدایت دی ہے۔ مغربی دہلی دفتر ملک کا دوسرا سب سے زیادہ درخواستیں موصول کرنے والا دفتر ہے۔ اس علاقائی دفتر نے 27 اگست تک ملازمین کو 155 کروڑ سے زیادہ کی ادائیگی کی ہے۔ انہوں نے کہا کہ دفتر مسلسل 125 دن تک کھلا رہا اور ایک دن میں بہت ساری درخواستوں کو نمٹایا۔

مسٹر پرکاش نے کہا کہ کورونا وائرس کی وبا کی وجہ سے یہ دفتر 50 فیصد ملازمین کے ساتھ کام کر رہا ہے۔