'سیاسی بحران معیشت کے لیے خطرہ'

سابق مرکزی وزیر خزانہ و سینیئر کانگریسی رہنما پی چدمبرم نے بجٹ اجلاس میں حصہ لیتے ہوئے کرناٹک اور گوا میں سیاسی بحران پر افسوس کا اظہار کیا۔

انہوں نے جمعرات کے روز راجیہ سبھا میں کرناٹک اور گوا میں جاری سیاسی بحران پر افسوس کا اظہار کرتے ہوئے کہا کہ' اس سے بھارتی معیشت متاثر ہوگی'۔

انہوں نے کہا کہ گذشتہ دو دنوں میں جمہوریت کو کافی نقصان پہچایا گیا ہے، کرناٹک اور گوا کے سیاسی بحران سے جمہوریت کو ہوئے نقصان سے وہ کافی دکھی ہیں'۔

انہوں نے کہا کہ' بین الاقوامی تنظیمیں بھارتی میڈیا کو دیکھ کر اپنا نظریہ نہیں بناتی ہیں، ایسے واقعات سے غیر ملکی سرمایاکار سمیت ریٹنگ ایجنسی متاثر ہوتی ہے، جو ملک کی معیشت کے لیے خطرناک ہے'۔