RBI to Issue Digital Rupee: آر بی آئی ڈیجیٹل کرنسی لانچ کرے گی، وزیر خزانہ نے کیا اعلان

ریزرو بینک آف انڈیا کی جانب سے رواں برس سے ہی ڈیجیٹل کرنسی لانچ کی جائے گی (RBI To Launch Digital Curency)۔ یہ بلاک چین تکنیک پر مبنی کرنسی ہوگی۔ وزیر خزانہ نے کہا کہ آر بی آئی مالی برس 2022-23 میں بلاک چین ٹیکنالوجی کا استعمال کرتے ہوئے 'ڈیجیٹل روپے' متعارف کرانے کی تجویز ہے۔

مرکزی وزیر خزانہ نرملا سیتا رمن نے بجٹ 2022 کے دوران کئی اہم اعلانات کیے ہیں۔ ان میں سے ایک ڈیجیٹل کرنسی بھی ہے۔ وزیر خزانہ نے کہا کہ ڈیجیٹل کرنسی رواں بر ریزرو بینک آف انڈیا (RBI To Launch Digital Currency) کے ذریعہ لانچ کی جائے گی۔ یہ بلاک چین پر مبنی کرنسی ہوگی۔ وزیر خزانہ نرملا سیتا رمن نے بجٹ تقریر میں کہا کہ بلاک چین اور دیگر ٹیکنالوجی کا استعمال کرتے ہوئے ڈیجیٹل کرنسی جاری کی جائے گی۔ اسے 2022-23 کے اوائل میں جاری کیا جائے گا۔ وزیر خزانہ نے کہا کہ اس سے معیشت کو بڑا فروغ ملے گا۔

وہیں وزیر خزانہ نے کہا کہ ڈیجیٹل ادائیگیوں کو فروغ دینے کے لیے شیڈول کمرشل بینکوں کے ذریعے 75 اضلاع میں 75 ڈیجیٹل بینک قائم کیے جائیں گے۔ وزیر خزانہ سیتا رمن نے کہا کہ ڈیجیٹل انفراسٹرکچر کو فروغ دینے کے لیے 'دیش اسٹیک ای پورٹل' شروع کیا جائے گا۔

وزیر خزانہ نے کہا ہے کہ ڈیجیٹل کرنسی رواں برس ہی جاری کی جائے گی۔ آر بی آئی مالی برس 2022-23 سے ڈیجیٹل روپے جاری کرے گا، ڈیجیٹل روپے دیگر ٹیکنالوجیز کا استعمال کرتے ہوئے جاری کیا جائے گا۔ اس سے معیشت کو بڑا فروغ ملے گا۔ اس کے ساتھ ہی وزیر خزانہ نے کہا کہ 'کرپٹو گفٹ ' کرنے پر بھی ٹیکس لگے گا۔ کرپٹو کرنسی کا تحفہ دینے پر 30 فیصد ٹیکس لگے گا۔ کرپٹو کی منتقلی پر بھی ٹیکس لگے گا۔

عام بجٹ 2022-23 پیش کرتے ہوئے وزیر خزانہ نے یہ بھی کہا کہ چپ پر مبنی ای پاسپورٹ جاری کیے جائیں گے۔ انہوں نے کہا کہ شہری منصوبہ بندی کے لیے ایک اعلیٰ سطحی کمیٹی تشکیل دی جائے گی اور کاروبار کرنے میں آسانی اور زندگی میں آسانی کے اگلے مراحل بھی شروع کیے جائیں گے۔