میدان تو ہے مگرکھیل نہیں سکتے

کھیل سرگرمیوں کو فروغ دینے کے لئے 'کھیلو انڈیا' کے تحت ہر سال اربوں روپے خرچ کیے جاتے ہیں۔

جنوبی کشمیر میں ضلع کولگام کے دمحال ہانجی پورہ علاقے میں کھیل کے میدان کی عدم موجودگی کے بعد ' کھیلو انڈیا' مہم کے تحت ایک میدان کی نشاندہی کی گئی۔

تاہم میدان پر تھوڑا سا کام کرنے کے بعد ہی نا معلوم وجوہات کی بنا پر کام کو ادھورا چھوڑ دیا گیا۔

میدان برائے نام ہی میدان ہے، اس میں کھیل سرگرمیاں تو کجا یہاں پر چلنا بھی محال ہے۔

جگہ جگہ پتھر پڑے ہوئے ہیں، غیر ہموار زمین اور گہرے گڑھے موجود ہونے سے میدان پر نوجوان کھیل سرگرمیاں جاری نہیں رکھ سکتے۔

اس ضمن میں مقامی آبادی نے انتظامیہ سے کھیل میدان کی مرمت کرکے اسے قابل استعمال بنانے کی اپیل کی ہے۔