'بی جے پی کے ریاستی صدر متکبر ہیں'

مغربی بنگال کے شہری ترقیاتی امور کے وزیر فرہاد حکیم نے کہا کہ بی جے پی کے ریاستی صدر دلیپ گھوش کے اندر تکبر آگیا ہے۔ ان سے اس سے زیادہ کیا امید کی جا سکتی ہے؟

مدنی پور لوک سبھا حلقے سے منتخب ہونے والے دلیپ گھوش کے بیان پر ترنمول کانگریس نے سخت اعتراض کرتے ہوئے کہا ہے کہ ان لوگوں کو نہ صرف سیاسی جماعتوں کو کو بلکہ عام لوگوں کو بھی نقصان ہو سکتاہے۔

کولکاتاکارپوریشن کے میئرفرہاد حکیم نے کہا کہ گھوش کو اپنے بیان پر معافی مانگنی چاہیے۔اس سے صاف ہوجاتا ہے کہ بی جے پی رہنماوں کی ذہنیت کیا ہے۔

انہوں نے کہا کہ بی جے پی ایک ایسی پارٹی ہے جسے بنگال کی تہذیب و تمدن اور کلچرسے کوئی سروکار نہیں ہے۔اس طرح کے بیانات ایسی پارٹی کے لیڈران ہی دے سکتے ہیں۔

مشہوردانشور سبودھ سرکار نے بھی گھوش کے بیان کی تنقید کرتے ہوئے کہا ہے کہ گھوش ہمیشہ سے ہی بنگال کی تہذیب وکلچرپرحملہ کرتے رہے ہیں۔اس سے قبل انہوں نے نوبل انعام یافتہ امرتیہ سین سے متعلق متنازع بیان دیا تھا۔