'این ڈی اے میں ایس پی، بی ایس پی کا استقبال'

لکھنؤ میں ریپبلک پارٹی آف انڈیا کے قومی صدر نے کہا کہ انتخابات کے نتیجے کے بعد ہم ایس پی، اور بی ایس پی کا بھارتیہ جنتا پارٹی میں استقبال کریں گے۔

ریاست اترپردیش کے دارالحکومت لکھنؤ میں آج ریپبلک پارٹی آف انڈیا کے قومی صدر رام داس اٹھاولے نے کہا کہ عام انتخابات کے نتائج کے بعد ہم سماجوادی اپارٹی (ایس پی) اور بہوجن سماج پارٹی (بی ایس پی) کا نیشنل ڈیموکریٹک الائنس (این ڈی اے) میں استقبال کرتے ہیں، تاکہ ریاست میں ترقیاتی کام بہتر ہو سکے۔

ریپبلک پارٹی آف انڈیا کے قومی صدر رام داس اٹھاولے نے دعویٰ کیا کہ اترپردیش میں بی جے پی عام انتخابات میں 73 سے زائد سیٹ جیت کر رکارڈ قائم کرے گی۔

انہوں نے مزید کہا کہ یہ بات اور ہے کہ بی جے پی کی ہار اور جیت کا فرق ووٹوں میں کم ہو سکتا ہے، لیکن اگر پورے ملک کی بات کیا جائے تو 282 سے زیادہ سیٹیں بی جے پی جیت رہی ہے، اور بی جے پی ہی دوبارہ حکومت سازی کرے گی۔

رام داس اٹھاولے نے کہا کہ اس بار شمالی مشرقی ریاستوں میں فی الحال بی جے پی کی آٹھ سیٹیں ہیں، جبکہ وہاں پر کل 28 سیٹ ہیں، لہذا اس بار وہاں سے بی جے پی 18 سے 19 سیٹ پر جیت درج کر سکتی ہے۔

اسی طرح بی جے پی اڈیشہ اور مغربی بنگال کو ملا کر 25 سے 30 سیٹوں پر اپنا پرچم لہرا سکتی ہے، لیکن صحافیوں سے گفتگو کے دوران اٹھاولے نے کہا کہ مہاراشٹر میں بی جے پی کی کچھ سیٹ انتخابات میں کم ہو سکتی ہیں۔

رام داس اٹھولے نے کہا کہ ملائم سنگھ نے جس طرح سے نریندرمودی کو دوبارہ ملک کا وزیراعظم ہونے کی بات کہی تھی، اس کا ہم خیرمقدم کرتے ہیں۔

انہوں نے کہا کہ ہمیں امید ہے کہ جب عام انتخابات کے نتیجے آئیں گے، اس وقت اکھیلیش یادو اور مایاوتی این ڈی اے میں شامل ہوجائیں گے، جو اتحاد اترپردیش کی ترقیاتی کے لیے بہتر ثابت ہوں گے۔

مسٹر اٹھاولے نے کہا کہ اس سے قبل بھی مایاوتی بی جے پی کے ساتھ تین مرتبہ اتحاد کرکے سرکار بناچکی ہیں، اس لیے انہیں بی جے پی کے ساتھ کوئی پریشانی نہیں ہونی چاہیے۔