عرب ممالک میں گرمی کا قہر جاری

اس وقت براعظم ایشیا اور افریقہ کے بیشتر علاقے شدید گرمی کی زد میں ہیں۔

دُنیا بھر میں سب سے زیادہ گرمی کی شدت کویت میں ریکارڈ کی گئی ہے۔ کویت کے شہر مطربہ کو اس وقت دُنیا کا گرم ترین شہر قرار دیا گیا ہے جہاں درجہ حرارت 50.1 سینٹی گریڈ تک جا پہنچا ہے۔
مطربہ، غیر آباد علاقہ ہے جبکہ یہاں تین سال قبل درجہ حرارت 54 سینٹی گریڈ ریکارڈ کیا گیا تھا۔
اس کے بعد سب سے زیادہ گرمی عراق کے مشہور شہر بصرہ میں دیکھی جارہی ہے جہاں درجہ حرارت 49.6 سینٹی گریڈ ریکارڈ کیا گیا۔
سعودی عرب میں بھی گرمی کا قہر جاری ہے۔
ماہرین کے مطابق اگلے چند روز میں عراق، کویت اور سعودی عرب میں درجہ حرارت مزید بڑھ سکتا ہے۔
دُوسری جانب بھارت اور پاکستان میں بھی گرمی کی شدت جاری ہے۔