'پڑوسی ممالک کے اقلیتیوں کو شہریت دی جائے گی'

امت شاہ نے کہا کہ این آ ر سی سے خوفزہ ہونے کی ضرورت نہیں ہے۔ پڑوسی ممالک کے اقلیتیوں کو بھارتی شہریت دی جا ئے گی۔ انہوں نے کہا کہ ملک کی سالمیت کیلئے این آرسی بل کونافذکرنا کوئی گناہ نہیں ہے۔

پریس کانفرنس سے خطاب کرتے ہوئے امت شاہ نے کہا کہ مغر بی بنگال میں لوک سبھا انتخابات کے پہلے دو مرحلے کے لیے جن پا نچ حلقوں میں پولنگ ہوئی ہے اس میں حکمراں جماعت ترنمول کانگریس پر بی جے پی کو سبقت حاصل ہوئی ہے۔
انہوں نے کہا کہ تیسرے مرحلے میں ممتا بنرجی کی پارٹی کو شکست کاسامنا کرناپڑے گا کیونکہ مغربی بنگال کے لوگ ممتا دیدی کی حکومت سے مایوس ہو چکے ہیں۔عوام نےدیدی کو اقتدار سے بے دخل کرنے کافیصلہ کرلیا ہے اوراب صرروقت انتظارہے۔ ریاست میں ترقیاتی کام نہیں ہوئے ہیں۔ لوگ اب بھی متعدد مسائل سے دوچار ہیں۔
بی جے پی کے صدر کے مطابق مغربی بنگال میں جمہوریت نام کی کوئی چیز نہیں ہے۔ یہاں ممتا بنرجی کی ضد چلتی ہے۔
انہوں نے بی جے پی کوکامیاب بنانے کی اپیل کرتے ہوئے کہاکہ ریاست میں جمہوریت کو دوبارہ بحال کرنا ہماری اولین ترجیح ہے۔اس کے لیے بنگال کے لوگوں کی مدد کی ضرورت ہے۔