"ون نیشن، ون الیکشن" عوامی مسائل سے توجہ ہٹانے کی چال"

وزیر اعظم نریندررمودی کی جانب سے اٹھائے گئے 'ایک ملک، ایک انتخاب' کے ایشو کو اپوزیشن پارٹی کانگریس نے "عوامی مسائل سے توجہ ہٹانے" کی کوشش سے تعبیر کیا۔

وزیراعظم نریندر مودی کی جانب سے آج کل جماعتی اجلاس طلب کیا گیا تھا جس میں ’ایک ملک ایک انتخاب، 75 ویں یوم آزادی کی تقریب کے انعقاد اور 150 ویں گاندھی جینتی تقریب کے سلسلہ میں مشوروں طلب کئے گئے تھے۔

وہیں کچھ مقامی جماعتوں کے رہنماؤں ایم کے اسٹالین، ممتا بنرجی اور چندرا بابو نائیڈو نے اجلاس میں شرکت نہ کرنے کا فیصلہ کیا تھا جبکہ سی پی آئی نے اجلاس میں شرکت کرتے ہوئے ’ایک ملک، ایک انتخاب‘ کی مخالفت کرنے کا فیصلہ کیا تھا۔

کانگریس نے بھی اس اجلاس میں شرکت نہیں کی۔ پارٹی کے ترجمان گورو گگوئی نے کہا کہ ہم انتخابات میں اصلاحات کے حامی ہیں اور اس سلسلہ میں ہمیشہ آواز اٹھاتے رہیں گے۔ انہوں نے مزید کہا کہ مودی حکومت اپنی مرضی سے ون نیشن ون الیکشن کی بات کر رہی ہے۔

گگوئی نے گجرات اور ہماچل پردیش میں الگ الگ انتخابات کروانے اور راجیہ سبھا کے لئے علیحدہ انتخابات کروانے کا بی جے پی پر الزام لگایا۔